राष्ट्रीय स्वराज्य सेनेची मागणी -
भाजपचा 2014 पूर्वीपासूनचा मित्रपक्ष म्हणून आणि आतापर्यंत स्वखर्चाने महायुतीचे उमेदवार भरघोस मतांनी विजयी करण्यासाठी प्रयत्न केले आहेत. त्यामुळे महामंडळावर हक्क सांगणे साहजिक असल्याचे बागल यांनी सांगितले.या अनुषंगाने पक्षाने पुन्हा मागणी केली आहे की, राष्ट्रीय स्वराज्य सेनेला -1. एक महामंडळ अध्यक्ष पद 2. चार संचालक पदे - उदा. पश्चिम महाराष्ट्र देवस्थान समिती, कृष्णा खोरे विकास महामंडळ, एस.टी. महामंडळ, लघु उद्योग समिती यावर त्वरित नियुक्ती द्यावी. महाराष्ट्राचे मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण आणि आमदार प्रसाद लाड यांनी या मागणीची त्वरित दखल घ्यावी, जेणेकरून पक्षाचे पदाधिकारी व कार्यकर्त्यांची नाराजी दूर होईल आणि 2029 च्या लोकसभा निवडणुकीतही महायुतीचे उमेदवार भरघोस मतांनी विजयी होतील.अन्यथा राष्ट्रीय स्वराज्य सेना राजकीय पक्ष स्वतःच्या 'बासुरी' या निवडणूक चिन्हावर महाराष्ट्रातील संपूर्ण 48 लोकसभा मतदारसंघात उमेदवार उभे करेल आणि त्यांना विजयी करण्यासाठी पूर्ण ताकद लावेल, असा थेट इशारा यावेळी देण्यात आला. या पत्रकार परिषदेस कोल्हापूर जिल्हाध्यक्ष पोपट फुकटे, जिल्हा उपाध्यक्ष प्रकाश बने, पन्हाळा तालुकाध्यक्ष आनंद लादे, पन्हाळा उपाध्यक्ष मारुती सातार्डेकर, सातारा जिल्हाध्यक्ष जितेंद्र चव्हाण, महिला अध्यक्ष सौ. गुजर मॅडम व इतर पदाधिकारी, कार्यकर्ते मोठ्या संख्येने उपस्थित होते.
